პროფესიონალი ტრენერის საკვანძო კომპეტენცია 1 - ზრდასრულთა სწავლების თეორია

საკვანძო კომპეტენციის სფერო 1 - ზრდასრულთა სწავლების თეორია

ერთ-ერთი უმნიშვნელოვანესი სფერო, რომელშიც განმანათლებელი უნდა ერკვეოდეს, არის ზრადსრულთა სწავლა-განათლების თავისებურებები. სწავლა ადამიანის განვითარების მუდმივი თანმდევია, არის უკიდურესად პიროვნული, გამცდილებაზე დაფუძნებული და გარკვეულწილად ინტუიციური. ზრდასრული მსწავლელი სატრენინგო გამოცდილებიდან მაქსიმუმ სარგებელს ღებულობს როცა ახერხებს ისეთი სატრენინგო შესაძლებლობა აირჩიოს, რომელიც:

1. თავად აინტერესებს

2. ეფუძნება იმ ფუნდამენტალურ ცოდნას, რომელიც უკვე გააჩნია

3. დაკავშირებულია მის პირად ან პროფესიული განვითარების მიზნებთან .

ძირითადი კონცეფციები:

• ზრდასრულთა სწავლების პრინციპები მნიშვნელოვანია კომპეტენციებზე დაფუძნებული სატრენინგო პროგრამის შესაქმნელად.

• ზრდასრულთა სწავლების თეორია ეფუძნება ბიჰევიორისტულ და კონსტრუქტივისტულ თეორიებს

  • ბიჰევიორისტული მიდგომა მიიჩნევს, რომ სასწავლო გარემოს სტრუქტურირებისას უნდა გავითვალისწინოთ, რომ ინფორმაცია მცირე ულუფებად გაიცეს, რაც ხელს უწყობს მასალის ერთმანეთზე დაშენებას და პოზიტიურ გამყარებას.

  • კონსტრუქტივისტული მიდგომა ხაზს უსვავს კულტურის მნიშვნელობას პროფესიული სწავლა-განვითარების მოტივაციისა და მოლოდინების ჩამოყალიბებაში.

• ზრდასრული მონაწილეების ინდივიდუალური განსხვავებები ზეგავლენას ახდენს ტრენინგის პროცესში ინტერპერსონალურ და ჯგუფურ დინამიკაზე.

• ტრენინგები ადაპტირებული უნდა იყოს ზრდასრული მსწავლელის ინდივიდუალური საჭიროებების დასაკმაყოფილებლად.

• ზრდასრულთა სწავლება უნდა დაშენდეს იმ ცოდნაზე, რომელიც ზრდასრულ მონაწილეს უკვე გააჩნია და რომლის დემონსტრირებაც შეუძლია.

• გამოცდილებაზე დაფუძნებული და ინტერაქტიული შესაძლებლობები მნიშვნელოვანია სწავლისა და ცოდნის გამყარებისათვის.

• ზრდასრულთა სწავლის სტილები ეხმარება მსწავლელს ინფორმაციის ათვისებაში და გრძნობის სხვადასხვა ორგანოების მიერ მის გადამუშავებაში.

ზრდასრულთა სწავლების თეორიის გამოყენება: თვალსაჩინო კომპეტენციები

ტრენერს შეუძლია:

• გადმოსცეს (აღწეროს) და გამოიყენოს ზრადსრულთა სწავლების პრინციპები ტრენინგის დაგეგმვისა და ჩატარებისას.

• განსაზღვროს ახალი ცოდნისა და უნარ-ჩვევების ათვისება-განვითარების ტიპიური ეტაპები და შექმნას სატრენინგო მასალა, რომელიც თანამიმდევრულ, ნაბიჯ-ნაბიჯ განვითარებას უწყობს ხელს.

• აღწეროს რა ზეგავლენას ახდენს ინდივიდუალური და კულტურული განსხვავებები (მაგ, ასაკი, სქესი, სოციო-ეკონომოური მდგომარეობა, განათლება...) სწავლის პრეფერენციებზე და როგორ უნდა მოხდეს მათი გათვალისწინება ამ საჭიროებების დასაკმაყოფილებლად შექმნილ სტრატეგიებში.

• განსაზღვროს კრიტიკული რეფლექსიისა და დამოუკიდებლად სწავლის მნიშვნელობა.

• ადაპტირება გაუკეთოს ტრენინგის სასწავლო მასალას მონაწილეთა ინდივიდუალური საჭიროებებიდან გამომდინარე (მაგალითად განსაზღვროს მონაწილის უკვე არსებული ცოდნის დონე და ისე ააგოს სასწავლო პროგრამა, რომ დააშენოს უკვე არსებულ ცოდნასა და უნარ-ჩვევებს, შეავსოს არსებული ნაპრალები და დაეხმაროს მონაწილეებს დააკავშირონ სატრენინგო მასალა უკვე არსებულ ცოდნასთან.

• ხელი შეუწყოს მასალის გააზრებას და გამყარებას განმეორებადი და მრავალფეროვანი შესაძლებლობების უზრუნველყოფით (მაგალითად იყენებს აუდიალურ და ვიზუალურ მასალას, დიდაქტიურ პრეზენტაციებს, დისკუსიებს, გამოცდილებაზე დაფუძნებულ აქტივობებს, რეფლექსიებს და გაზიარების სხვადასხვა ფორმებს)

• დააინტერესოს და ჩართოს მონაწილეები საკუთარი სწავლის საჭიროებების განსაზღვრასა და პირადი სასწავლო მიზნების დასახვაში.

• გამოიყენოს გამოცდილებაზე დაფუძნებული და ინტერაქტიული ტრენინგ-ტექნიკები და შექმნას სასწავლო გამოცდილების პრაქტიკაში გადაყვანის შესაძლებლობები.

• შექმნას და შეინარჩუნოს საინტერესო, უსაფრთხო, მხარდამჭერი სასწავლო გარემო.

გამოყენებული ლტერატურა:

• Competencies for trainers - https://ncwwi.org/files/Prof_Development__Training/Competencies_for_Trainers.pdf

• ETC competence model for trainers - https://www.salto-youth.net/rc/training-and-cooperation/trainercompetencedevelopment/trainercompetences/

• Core competencies fro trainers - https://cliengage.org/clirep/LMS/micro2-trainer/Core-Competencies-for-Trainers.pdf

• GP trainer competencies - https://madeinheene.hee.nhs.uk/Portals/6/Trainers/Trainer%20competencies_1.pdf

#ტრენერი #ტრენინგინდუსტრია #ტრენერისკომპეტენციები